Մեր կողմից փոքրիկ օգնություն հատկապես փոքր ու միջին բիզնեսին, թե ինչպես կարելի է հայտնվել որոնման համակարգի առաջին էջում՝ չունենալով կայք և ոչ մի դրամ չծախսելով կայքի պատրաստման ու առաջխաղացման վրա:
Իսկ թե ինչու է կարևոր որոնման համակարգում և հատկապես արդյունքների առաջին էջում երևալը՝ ավելի քան պարզ է բոլորի համար.
Բրենդի ճանաչելիություն
Վաճառքների աճ
Ի՞նչ է տալիս Google My Business համակարգում գրանցումը
Այստեղ նշենք մի կարևոր հանգամանք. որքան մոտ է գտնվում որոնողը, այնքան ավելի բարձր դիրքում է երևում Ձեր ընկերությունը. սա հատկապես կարևոր է շարժական սարքերով որոնման ժամանակ (սմարթֆոն, պլանշետ և այլն): Մեծ է հավանականությունը, որ որոնողները կցանկանան դիմել հատկապես մոտակայքում գտնվող ընկերությանը, իսկ դա նշանակում է, որ ընկերությունն ավելի ճանաչելի կլինի շրջակայքում:
Դե ինչ, արժե՞ գրանցվել Google My Business համակարգում
Իհա՛րկե արժե: Գրանցվելու համար անհրաժեշտ է այցելել business.google.com հասցեով, մուտք գործել gmail հաշվի մուտքանունով ու գաղտնաբառով, իսկ դրանց բացակայության դեպքում գրանցել նոր մուտքանուն:
Այստեղ արդեն պարզապես հարկավոր է հետևել համակարգի առաջադրած հարցերին և հաջորդաբար լրացնել կազմակերպության տվյալները:
Բոլոր տվյալները լրացնելուց հետո համակարգը պետք է հաստատի ընկերության տվյալները՝ որոշակի ստուգումից հետո: Ստուգումը կարող է իրականացվել ընկերության ֆիզիկական հասցեին ուղարկվող նամակի հաստատման ծածկագրով կամ հեռախոսազանգի միջոցով: Ի դեպ, հեռախոսազանգով հաստատման ֆունկցիան գուգլը վերջերս է ավելացրել:
Ավելի արագ հաստատելու համար, բնականաբար, արժե ընտրել հեռախոսով հաստատման տարբերակը. այս դեպքում համակարգն ուղարկում է հաղորդագրություն, որում նշված ծածկագիրը պետք է մուտքագրել համապատասխան դաշտում և վերջ:
Վե՞րջ, այսքա՞նը
Այսքանը: Բայց սա դեռ վերջը չէ :) Որոնման արդյունքներում արդյունավետ դիրքեր ունենալու համար անհրաժեշտ է օպտիմալացնել բիզնես էջը: Դա կարող եք անել ինքնուրույն՝ առանց գումար ծախսելու: Պարզապես հետևե՛ք մեր խորհուրդներին.
Իհարկե, բիզնես էջերի հնարավորություններն այսքանով չեն սահմանափակվում, բայց դրանց մասին՝ մեկ այլ անգամ:
Հուսով ենք, որ նյութը օգտակար կլինի Ձեր բիզնեսին: Իսկ եթե, այնուամենայնիվ, մնացին հարցեր կամ ժամանակ չունեք դրանով զբաղվելու, դիմե՛ք մեզ. այս ծառայությունը մեզ մոտ կատարվում է սիմվոլիկ արժեքով, իսկ որպես բոնուս կստանաք 1 անվճար խորհրդատվություն օնլայն մարքեթինգի և բիզնեսի զարգացման վերաբերյալ:
